من فترة فيه حريق حصل في حتة اسمها الشرابية
أكتر من 600 أسرة اتشردوا
600 أسرة مش 600 فرد
بجد الحمد لله إني عندي بيت
هناك المكان اتسوى بالأرض
يا ريته كان اتسوى بالأرض بس
ده صعب حتى انك تمشي هناك
رماااااااااااااد اسود
مجرد حتة معرجة الناس قاعدين فيها
ما هم اتشردوا بقى
الناس مبقاش عندها بيت
مبقاش عندها هدوم
ولا فلوس
يعني هما أصلا كانوا فقراء
دلوقتي بقى حالهم ايه
حتى المكان اللي كانوا قاعدين فيه فقدوه
ناس كتير مسمعتش عن الحريق وانا منهم
بس بجد ربنا يعافيهم
والحمد لله الذي عافانا مما ابتلانا به
وفضلنا على كثير ممن خلق تفضيلا
والله فعلا مش عارفة الناس دي هتعمل ايه
ردحذفوبلدنا مش بتصرف التعوضيات بسرعه
يعني هم لغاية دلوقتى فى الشارع .. على ما اعتقد
انا مسمعتش انهم صرفولهم تعويضات
قالوا انهم هيسكنوهم فى مراكز الشباب بشكل مؤقت
بس بصراحة دي مش عيشة
ربنا يعينهم يارب ويقويهم على احوالهم
والحمدلله على حالنا .
اللهم آمين يا مومو
ردحذففعلا مش عارفة هيكون مصيرهم ايه
ربنا يرحم حالهم
علشان بس نقدر النعمة اللي احنا فيها
ربنا معاهم فعلاً وحد يتحرك ويساعدهم
ردحذفالأمور كل شويه بتتعقد والدنيا بتبوظ بعد شويه هنلاقى نص مصر فى الشارع :(
يا رب يا زهرة
ردحذفالموضوع ده فكرني بحريق مجمع الاهرام اللي كان في العرب
بس ده كان محلات مكنش بيوت
والمحلات دي متبنتش تاني
الله أعلم أصحابها راحوا فين ولا عملوا ايه
فيه واحد منهم مات في ساعتها لما سمع الخبر
كان صاحب محل كاوتشات وجايب بضاعة بمبلغ كبير مش فاكرة حوالي مليون جنية تقريبا
ومكنش لسة دفع فلوسها
ربنا يرحم حالنا يا بنتي
يا الله .. ربنا معاهم بجد
ردحذفويصلح حالهم ... حاجه تحزن بجد :(
يا رب :)
ردحذفالله أعلم ايه اللي حصلهم ولا عملوا ايه