التاج ده جالي من المهندس طارق

وشيكوهايتي حبيبة قلبي :)

معلش إتأخرت شوية 

نبدأ بسم الله :)

التاج :-

اسمك ؟

دينا 

المشهور بيه وسط اصحابك؟

دودو, دودي :D

سنك ؟

هتم 20 قريبا بإذن الله :)

مجال دراستك ؟

ألسن إنجليزي 

اسم مدونتك ؟

just a girl

صورتك الرمزية في المدونة بتعبر عن إيه ؟؟

ربِ لن يضيعني :)

هل فكرت في اغلاق المدونة والسبب ؟

اها مع انها لسة جديدة وفعلا قفلتها من فترة 

بس حسيت اني محتاجة اتكلم 

ايه رد فعلك لو حد قل ادبه في تعليق ؟

حاجة من اتنين

يا إما هرده بالزوق لو أقدر

يا إما هتجاهله تماما

اسوأ مدونة ؟

انا مدخلتش غير على مدونات قليلة اوي

وبصراحة كلهم عجبوني

هيحصل ايه للايميل بعد ما تموت ؟

هيفتقدني :P

لا مش أكتر من ان هتكون نهايته 

اديت الباسوورد لحد قبل كده ؟

لا بس انا الميلات اصلا سايبة الباسوورد على الكمبيوتر

بس الدار أمان يعني :D

السفر بالنسبة لك ؟

بحب أسافر أوي

بس مش بقدر اني اطول فيه

بحس بحنين كبير اوي لأوضتي وبيتي

حتى لو كنت عند قرايبي مش في سفر

بكون حاسة ان فيه حاجة مش مظبوطة 

بس في نفس الوقت نفسي اسافر كتير

ونفسي اعيش في مكان برة مصر

يعني لفترة طبعا مش على طول :D

ومش قادرة افسر التناقض ده 

الموووود بتاعك ايه ؟؟

حاليا مقدرش اوصفه

لانه مش متظبط خالص

بس غالب عليه صمت  ونوعا ما حزن

يمكن بسبب بعد صديقتي عني

او حاجات مفتقداها اوي

مش عارفة اعبر عنها فبسكت 

بتعمل ايه في وقت فراغك؟

ههههههههههههههههههههههه

لما ابقى الاقيه

عادة مفيش وقت فراغ

بس لما ببقى مضايقة 

مش بقدرا عمل أي حاجة 

الأكلة المفضلة ؟؟

السمممممممممممممك وخصوصا السويسي (ما انا مولودة في السويس بقى :P)

وياسلام على الجمبري السويسي الجامبو

أخلاق :D

الصفات التي أخذتها من والدي ؟

العصبية :D

بس الحمد لله بقدر اسيطر عليها نوعا ما يعني

الاجتماعية 

بعض ملامحه

الصفات التي أخذتها من والدتي ؟

المرح والطيبة والحنية :)

اكتر ست حاجات بتكرههم ؟

الكذب, الخداع والغش, الظلم, النفاق

يعني بإختصار

كل صفة سيئة

والسادسة الحشرات هو بصراحة مش كره قد ما هو خوف :D

اكتر ست حاجات بحبها؟

الله  ورسوله (صلى الله عليه وسلم)

أمي وأبي

شيكو وهايدي :)

شخصيتك نوعها إيه؟

مرحة واجتماعية

مؤخرا ابتديت اتنرفز بسرعة وضغطي بقى يعلي بطريقة مستفزة

بس  الحمد لله قدرت اظبط الموضوع ده نوعا ما

لماذا دخلت عالم التدوين من الاساس ؟

علشان اتكلم بس في نفس الوقت أفضل ساكتة :D

أحلي جملة قيلت في وصف مدونتك ؟

لسة مفيش :(

بس معلش بقى أصلها لسة جديدة :D

اهمية التعليقات بالنسبة لك ؟

بيديني دفعة اني استمر

وبيحسسني ان اللي كتبته ليه لازمة او ليه نفع

احلى بوست كتبته ...ضع اللينك , ثم اذكر لماذا؟

My Hijab

علشان حسيت انه فعلا بعض الناس بتبص للحجاب وخصوصا النقاب انه شىء عجيب 

وبيبصولي بنظرة عطف أو شفقة 

بس ده مش من تأليفي 

أنا نقلته مش أكتر

أفضل مدونة قراتها ؟

لسة متجولتش بما فيه الكفاية علشان اقرر الأفضل :D

أفضل بوست قراته ؟

كل اللي قريته عجبني

وان كنت مش بسيب تعليق دايما 

بس يمكن لافتقاري التعليق المناسب

الشغل بالنسبة لي ؟

هههههههههههه

انا مش مناصري عمل المراءة

بس اكيد لو جات لي فرصة كويسة ممكن اخوض التجربة

انما بعد الزواج نو 

الانترنت بالنسبة لك ؟

معظم الأوقات بخلص مذاكرتي عليه

بجانب اني بتواصل مع اصحابي عليه 

مصدر معرفة كويس جدا

إلى جانب انه بيضيع الوقت اوي 

تمرر التاج ده لمين ؟

كل إللي أعرفهم جاوبوه خلاص ;)

وبعتذر مرة تانية على التأخير :)