الاثنين، 19 أكتوبر 2015

الشر في كل مكان،، يُجبرنا على اتخاذ انعطافات تُغيّر مجرى سيرنا بل ربما حياتنا بأكملها.. الشر قبيح.. محض وجوده موجع.. وأحيانا ما تنفذ طاقتنا لمواجهته وضحده.. فنكتفي بالصمت.. والانزواء.. علّه يخفى-ولن-أو نفنى نحن..

الخميس، 28 أغسطس 2014

حياة ت

وحشتوني يا بشر!  = D
المدونة بتوحشني.. وأهلها وناسها ^^
كل فترة باجي اوفشوف أنا كنت ايه.. بستغربني.. أنا كتبت ده.. بحاول استجمع اللحظة أو الموقف اللي كتبت بسببه وغالبا مش بنجح
بس  ع قدر اختلاف حالاتي ف الكتابة ع قد ما بيزيد يقيني
"كل حال يزول"
كام بوست هنا متشابه ف الغم والنكد
او الحزن والانكسار
حالة كنت فاكرة إني مش هعيش بعدها
وعشت وفرحت 
وكام فرحة ظنيت فيها إني ملكت الكون
واتكسرت بعدها واتهزمت
كل الحالات دي بتخليني متأكدة إن مش المهم قد ايه انت فرحان ولا زعلان
قد ما مهم انك تكمل سعي
وان جهة الوصول مش هي المسعى الوحيد
المهم الرحلة اللي هتكملها ع أكمل وجه
كله هيكمل.. المهم انت هتعمل ايه وهتكمله ازاي ^^
أيامكم فُل = D 
استمتعوا بحياتكم 
وحسوا اوي بملكيتكم ليها ونعمة ربنا إنه وهبهالكم

الخميس، 2 يناير 2014

براح القلب

تُرى أين البراح؟ كيف تجده ومن أين يحصل لك؟
هل هو في نظرك إلى السماء دون غطاء وامتداد نظرك إلى ما لا نهاية؟
أم في شخوص بصرك إلى خضرة عزباء أو زرقة صافية لا يشوبهما كدر ولا تلوثهما أيد طاغية؟
البراح جميل..لكنه يبدأ من القلب, قد تكون في مكان صغير,مع شخص يعني لك الكثير
فتجد في قلبك البراح أجمع
ويملؤ روحك أنفاس عطرة لا تدري من أين جاءت فقط شعرت بها تحتل كل خلايا نفسك 
جِدو البراح في حياتكم واطلبوه 
اعملو بجد ولن يضيع الله جهدكم

الاثنين، 27 مايو 2013

عِش كما ينبغي لك أن تحيا ت

صباح الفُل ^^

حقيقة.. لازم بعد كل فترة أو مرحلة زمنية معينة بييجي وقت كدة يا بيكون من أحلى الأوقات يا اصعبها = D
يعني مثلا لما بنخلص المدرسة, الجامعة, كورس اي حاجة
او حتى بعد ما نسيب شغل, او نبدأ مرحلة عمل بعد فترة بطالة
المهم ف الفترة دي إذا مستغليناهاش صح وقدرناها كما ينبغي هتكون من أصعب الفترات
خصوصا لما بيكون هم وانزاح او شيء وحش ومشي.. 
لازم بعد ما كل شيء سيء تقصيه عن حياتك تحط بداله شيء أحلى.. 
وبعد كل فشل تبدأ ف نجاح أكبر
مينفعش نسيب نفسنا كدة
عايشين وخلاص
لازم نسعى ونسعى ونسعى ونسعى
حتى إن اضطرينا ناخد كام يو تيرن كدة وكام حواداية علشان الطريق مقطوع او وصلنا لحيطة سد ف النص
اللف ده بيدي اكتر ما بياخد
فاستفيد من كل حاجة ع قد ما تقدر
وعيش وافرح وأهم حاجة
متنساش تفرّح ت

الخميس، 7 مارس 2013

عش حياتك كما تريدها أن تكون..

همين وانزاحوا من على قلبي!
هما ايه؟ طب ليه؟
أصل هي الحياة كدة
فيها شوية حاجات أساسية هي اللي بتحدد مسار حياتنا وطريقتها
وفيها حاجات بيس يعني
حصلت يبقى قشدة محصلتش يبقى فل وﻻ تأثر ع سير الحياة
فيه حاجات نكون مجبولين عليها
طلعنا لقيناها وصعب انها تتغير
وفيه حاجات بتفرض او مش بتفرض.. ع الاقل مبيكونش لينا فيها اختيار كبير
بس مش معنى ده اننا منقدرش نغيرها
ايه الفايدة م الرغي ده كله؟
انت اللي هتحدد مسار حياتك
وتقرر تكون مين وفين وامتى
انت بس اللي ف ايدك تقرير مصيرك
اه فيه أيادي مؤثرة وحاجات ملناش حكم عليها
بس بردو القرار النهائي ف ايدنا احنا.. احنا وبس
متسيبش الدنيا تمشيك على كيفها
توديك يمين تروح شمال ماشي ترجعك وماله ميضرش
اثبت ع رأيك واتمسك بقرارك
علشان متخسرش نفسك وتبص تﻻقي اللي طلعت بيه صفر
اه الدنيا دي مش حلوة بس احنا بنحليها
زي القهوة المرة بنضيف لها سكر ونستمتع بيها
خليك انت السكر
يا سكر!

الجمعة، 22 فبراير 2013

تحررت!!

أتحررت أم أعدت قيدي بإرادتي؟
ﻻ أدري.. فقط أعلم أني أستطيع التنفس الآن دون حرج
أني أقدر المشي دون قيد
بعد القيود راحة حين تختارها حرا
تعطيك براح ﻻ يغنيك عنك فضاء مجبر أنت عليه
تحررت.. نعم تحررت

الجمعة، 15 فبراير 2013

اصدق تفلح


"ﻻ تكذب"
وصية أوصاها رسول الله صل الله عليه وسلم لرجل أتاه يصنع من المعاصي أصناف شتى.. سأله الرجل أن يأمره بمعصية يتركها.. لكن شيء واحد فقط
فقال له الرسول صل الله عليه وسلم ﻻ تكذب
هكذا بتلك البساطة
فرجع الرجل إلى النبي صل الله عليه وسلم وقد ترك المعاصي كلها
فكلما هم بمعصية وجد الكذب يتخللها
الكذب أنواع.. أضرها الكذب على النفس
التبرير لها وإيهامها بغير الصواب والحق
اللهم ارزقنا الصدق معك ويسر لنا من أمرنا رشدا