عن جد عن جد,, أنا مش فاهمة اي حاجة في أي حاجة :D
انتخابات ومجلس ونواب ومعرفش ايه
طب يا عالم أنا واحدة من الناس اللي لا ليها في سياسة ولا بتيخ,,
بغض النظر عن اني شايفة اني لازم اه اروح وانتخب وان مينفعش نسكت ونسيب الدنيا ماشية جهجاهوني كدة
بس انتخب على أساس ايه؟؟؟ الخيارات اللي قدامي,, طب اللي هنتخبه ده هيمثلني في ايه
هيكون دوره ايه يعني
طب فرضا روحت علشان انتخب,, اعرف منين ده حد كويس ولا سلطة زي ما طول عمرها عايشين,,
حقيقي مبقتش عارفة ولافاهمة
واقفة في النص ولا عارفة المفروض اروح يمين ولا شمال
حاسة اننا محتاجين محو أُمية سياسية,,
نبتدي نعرف ونفهم مين بيعمل ايه ومين مسئول عن ايه
ربنا يعدي الدنيا على خير بقى,, والحال يتصلح ويزيد الوعي شوية,,
واللي ييجوا من بعدها واحنا قبلهم نكون فاهمين الدنيا ماشية ازاي
مش اهي ماشية وخلاص -_-
يلا دعواتكم بقى,, واوعوا متنتخبوش :D
نصيحة
ردحذفتابعي قناة التحرير ( برنامج ابراهيم عيسي , بلال فضل , حمدي قنديل )
تابعي قناة اون تي في ( برناج يسري فودة , ريم ماجد , باسم يوسف , دعاء سلطان )
حيفرق معاكي جدا فى كل حاجه , سياسية وحتي كمان دينية
يسري فودة وبلال فضل موسوعتين سياسية وثقافيه , وابراهيم عيسي مش محتاج اتكلم عنه , دول اساتذتي اللى اتعلمت منهم كتييييييييير