إحساس مؤلم أوي
لما تشوف حد بتحبه اوي ومجروح اوي
ومتقدرش تعمل له حاجة
بجد شيء مؤلم
شيء مؤلم برده
لما تكون انت بتتألم
واللي حواليك يقدروا يزيحوا عنك
وبرده ميعملوش حاجة :(
مش عارفة ليه الناس بقت كدة
تحسوا ان محدش بقى يهتم بجد
ولا بيخاف على مشاعر حد
كأن كل واحد همه نفسه وبس
خلاص اعصابي مبقتش تجيب
مبقتش تستحمل
الناس بقت غير
بقوا وحشين اوي
الا قلة قليلة اوي
طيب بس بقى عشان أنا على شعره ومش عايزه أعيط دلوقتي
ردحذفالله يسامحك جيتي على الجرح :( :(
كل واحد كفايه عليه همومه وضغوط الحياة عليه
هو ده المبرر إللي لازم نحطه قدامنا
حبيبتي دلوقتي كل واحد لو اضايق من حد خلاص بيبعد بيقول هلاقي عشره غيرو
محدش بيبقى على حد ويوجعوا دماغهم ليه ولا يستحملوا بعض ليه !
أنا من الإحساس ده بجد حسيت إني دبلت إحساس صعب جداااااا حاسه إني بتعصر من إللي بيحصل
مش عارفه أنا طبيعيه ولا إللي بعمله ده غلط
وإللي الناس ماشيين عليه هو الصح
أنا ببالغ في مشاعري واهتمامي ولا ده صح
بحس إني غبيه قوي قوي قوي
دودو سامحيني يا حبيبتي
ردحذفمكنتش اقصد :(
بس يا دودو لمايكون اقرب الناس ليكي
هما اللي بيجرحوكي
الجرح أو الألم بيكون أشد وأقوى
صعب لما تكوني انتي اصلا بتتعبي عقبال ما تحطي ثقتك الكاملة في حد
بحيث انكم تبقوا واحد
وبعدين تلاقي ان لا مكنش المفروض ان ده يحصل
انا اتسرعت :'(
وبعدين إذا مستحملناش بعض
أمال مين اللي هيستحملنا ويبقي علينا
لما اقرب الناس لينا مش بقت فارقة معاهم
موجودين او لا
بالعكس عدم وجودنا اريح
اكيد مش ده الطبيعي
لا الناس زمان كانوا غير
ولسة فيه
بس قليل اوي
بس الواحد تعب من كتر ما مبقاش عارف يثق في مين
ساعات بحس اني بعد فترة
هفقد الثقة في جميع من حولي
إلا من 2 او 3 بالكتير
ربنا يرحم حالنا يا بنتي
:(
ردحذفمش عارفه اقول ايه
لأنى كنت تقريبا فى الموقف ده وكتير مش مره او اتنين ومش كنت بفهم ليه !!
:(
سنة الحياة يا شكشك :(
ردحذفربنا يخرجنا منها على خير ..
وحشتيني $:
ردحذف:( :(
ردحذفمومتي وانتي كمان وحشاني اوي
ردحذفمش بلاقيكي :(
شيري مش تزعلي ;)