الخميس، 28 أغسطس 2014

حياة ت

وحشتوني يا بشر!  = D
المدونة بتوحشني.. وأهلها وناسها ^^
كل فترة باجي اوفشوف أنا كنت ايه.. بستغربني.. أنا كتبت ده.. بحاول استجمع اللحظة أو الموقف اللي كتبت بسببه وغالبا مش بنجح
بس  ع قدر اختلاف حالاتي ف الكتابة ع قد ما بيزيد يقيني
"كل حال يزول"
كام بوست هنا متشابه ف الغم والنكد
او الحزن والانكسار
حالة كنت فاكرة إني مش هعيش بعدها
وعشت وفرحت 
وكام فرحة ظنيت فيها إني ملكت الكون
واتكسرت بعدها واتهزمت
كل الحالات دي بتخليني متأكدة إن مش المهم قد ايه انت فرحان ولا زعلان
قد ما مهم انك تكمل سعي
وان جهة الوصول مش هي المسعى الوحيد
المهم الرحلة اللي هتكملها ع أكمل وجه
كله هيكمل.. المهم انت هتعمل ايه وهتكمله ازاي ^^
أيامكم فُل = D 
استمتعوا بحياتكم 
وحسوا اوي بملكيتكم ليها ونعمة ربنا إنه وهبهالكم

Posted by at

ليست هناك تعليقات:

إرسال تعليق

الاشتراك في: تعليقات الرسالة (Atom)