أنا مبسوطة =)

الحمد لله,, انهاردة كان يوم بجد غير,, كان يوم جميل

منظر الطابور الطووووووووووووووووووووووييييييييييييييييييييييييييييل اوي

اللي مش لاقين له أخر LOL

الناس اللي نازلة من بيوتها من 8 وقبل 8 كمان,, 

الناس اللي خايفة على البلد وعندها أمل ان صوتها ده هيفرق

المصريين ببساطة

بخفة دمهم وابتسامهم لحتى المشاكل والعقبات

الناس لما كانت تيجي تلاقي طابور وبتحاول بس تعرف اخره فين وابتسامة جميلة على وجوههم

الناس اللي نفسها تعمل حاجة بس كانت مستنية فرصة

بجد انهاردة كان يوم جميل

الحمد لله

بالرغم من الوقفة الكتير اللي الواحد مكانش متوقعها

بس لما تيجي ست كبيرة يعدوها الأول

ولسة من شوية بيقولوا احنا مش هنعدي حد معلش يستنوا احنا تعبنا

واول ما تستئذنهم باستحياء يقولوا لها اتفضلي طبعا

وضحكة جميلة من القلب تطلع

الستات ورغيهم اللي ملوش آخر

القلش والتنكيت اللي مبيخلصش

انهاردة كان باختصار يوم حلو اوي

نفسي بجد,, ان  ده يكون بداية تغيير بجد

ان اللي جاي يكون غير

إننا نكون فاهميين وواعين

إننا نطالب ولا نسكتش 

نساعد ولا نقفش وننقد وخلاص

نعمل حاجة علشان بكرة نلاقي حصاد مليان خير =)


رسالة شكر وإعتزاز وتقدير كبير اوي
لكل حد ساهم في ده
في إن انهاردة يكون كدة
في الناس تنزل ومهياش خايفة
تنزل علشان هي فارقة 
بجد شكرا ليكم =)

سؤال!!

جدع يا باشا دي جت في عينه!!

أو أيا كانت الجملة اللي اتقالت,,

رسالتي موجهة لل "باشا"

اللي فقع عينه

يا ترى كان ايه شعورك؟؟؟

كان ايه احساسك وانت "بتفقع عينه"

مبسوط, فرحان, فخور بقدرتك على النشان؟؟

يا ترى ايه أثر المدح ده في نفسك؟؟

هل حسيت بقيمة نفسك

مبسوط يا باشا؟؟

انا مش هتكلم في نقطة انت عندك دم ولا إحساس أصلا ولا لأ

بس عندي ليك سؤال تاني معلش

استحملني انت عارف المشاهير بيبقى عامة الشعب الغلابة اللي زي حالاتي عندهم ليهم أسئلة كتير

ايه شعورك وانت صورتك متشيرة على الفايس كله؟؟

واسمك ورقم تليفونك وعنوانك

حتى لو كانوا فاكسين ومش صح

او صح مين عارف

ايه إحساسك وشعورك بقى وكل واحد مصري حتى لو منزلش الثورة ولا ليه في السياسة نفسه يقتلك أو على الأقل يفقع عيونك 

يا ترى فخور

ولا خايف جبان

يا ترى إحساسك بنشوة إتقانك للنيشان لسة ماليك؟؟

ايه احساسك وانت بيتقال اسمك في التليفزيون وصورتك

ويتذاع الفيديو وانت قادر اوي على النيشان

طب بلاش

معلش استحملي

قولنا الشهرة بقى 

يا ترى عندك ولاد؟؟ 

ايه إحساسهم لو شافوا صورتك وعرفوا 

اكيد كانوا فخورين بيك

كأي ولاد فخورين بوالدهم

لا وخصوصا قناص وبينشن بقى وحركات

كنت بتمثل ليهم قدوة وأمن وحماية

لما يعرفوا انك "فقاع عيون" 

هيعملوا ايه

وصورتك في عيونهم هتبقى ايه؟؟؟؟

طب لو معندكش ولاد

يا ترى أهلك,, "أمك" إحساسها ايه

تعبها في تربيتك

حسرتها عليك عاملة ازاي

مبسوط يا باشا؟؟

جدع يا باشا بقيت من اكتر الصور اللي اتشيرت 

واكتر الاسامي اللي تداولت

يا ريتك بس تبقى عبرة

إنك لو انت فقعت عين علشان تغفل عنك

فعيون كتير اهي ماسكة تقطيع في فروتك وإن طالت مكانتش سابتك حيّ

وقبلهم,, عين الله لا تنام عنك

ومتقلقش مهياش دي أخر شهرة ليك يا باشا

اصل لسة في يوم جاي,, يوم حسابه عسير قوي

اه أنا واثقة في رحمة ربنا

بس ثقتي في عدله سبحانه ملوش زي

ممكن تكون اه فقعت عيون هنا

في الدرى وسط حراسة 

بس هناك لا فيه درى ولا فيه حراسة

ولا فيه حد يشفع ولا حد يتحمل مسئوليتك

ولا حد يشيل اللوم بدالك

جدع يا باشا حسابك جاي تقيل,, تقيل اوي!!

فجركم,, بشائره فرج.. =)

صبااااااااااااااااح الخير ^_^ 

مش عارفة هل دي تهيؤات ولا أوهام :D

بس أنا مبسوطة الحمد لله,, نوعا ما مرتاحة,, مش قلقانة,,

حاسة ببشائر فرج جاية في الطريق محدش يقولي ايه معالمها علشان أنا معنديش أي فكرة

بس فعلا حاسة بنسائم حرية,, يمكن في وحدة الناس اللي ابتدت تتفق رغم اختلافاتها

يمكن في تجمع همنا لهم واحد

معرفش

بس حقيقي,, أنا مستبشرة خير,, ومتفائلة بفضل الله

ربنا يخرجنا كلنا من المحنة دي على خير,, وينجي مصر وأهلها يا رب من كل شر

ولا يحكمش علينا ظالم أبدا =)

ومن نبع هذا الإحساس,, أدعوكم للتفاؤل,, ويومكم بيضحك ^^

وجع قلب..!

قلبي واجعني.. 

انبارح وأنا بعدي الشارع شفت قطة صغيرة,, يا عيني داستها عربية

وجثتها في الشارع والدم خارج منها,, منظرها كان يقطع القلب,, لدرجة اني فعلا كنت حاسة اني هقع من طولي ومش هقدر اكمل طريقي

لما وصلت لأمي قالت لي مالك انتِ كنتِ كويسة,, قلت لها على منظرها وبكيت,, يمكن اه دي رقة قلب زايدة,, بس مش دي المشكلة

المشكلة في اللي انعدمت قلوبهم خالص,, اللي طاوعته ايده ومش بس ضرب أخوه أو أخد حقه,, لا ده قتله!!

بقول لصاحبتي انبارح ازاي ييجي لهم قلب,, قالت لي هما عندهم قلب....!!!!

طب بجد,, ازاي,, ما هم في الأول والآخر مننا,, من أهلنا,, ممكن يكونوا من جيرانا أصحابنا عزوتنا

إزاي بقى يضربوا في أهلهم كدة بدون قلب, بدون إحساس, إزاي طاوعته إيده 

وعلى رأي توأم روحي,, قلب الوطن كله موجوع =(

ربنا يرزقنا قلوب سليمة,, ويعيذنا من خذلانهم ده..!

رحلت,, وما ارتحلت..!

ما زلت تحتلني,,

تسكن جوانبي

ما زلت مُتفردا ببطولة  أحلامي

وما زلت لا يمكنني التخلص من ذاكرتي

كانت تغيب عني أنفاسي إن غبت

تُخاصمني روحي إن غابت عينيك

أراك في أدق تفاصيلي رغم أنك لعهدك خنت

وارتحلت

ارتحلت وما تبقى شيء سوى الصمت

أبحث اليوم عنك

علني أجدك

اُدقق في ملامحي كثيرا

علك أتيت

ولا أجدك

بُعدي لم يكن بمحض إرادتي

وما صدقت

ما كان مني سوى أني للأمر انصعت

وبعدها ما حييت

فما الحياة إلا حياة القلوب

وأنا لم يعد قلبي حيٌّ بعد

أتساءل كيف انسللت مني؟!

كيف ابتعدت وفي طريقك مضيت؟!

لم تكن يوما جزءًا مني

بل,, كنت تجري مجرى الدم في عروقي

وهربت كما يهرب الدم من شاهـٍ قُطع عنقها وفرت روحها

ما سألت عني

ولا اطمأننت لحالي

أما مررت ببالك قط؟!

لا أزال أكتب عنك

أكتب عنك كثيرًا

عل حروفي تُحييك

تدب الروح في رفاتك

وما استجبت

ما أن انتهي من كتابتك

وصفك

رسمك

أضم أوراقي إلى صدري طويلًا

فقط,, لأنها عنك

أضمها علها تأتيني بك

أو تأخذني إليك

ولكني دوما أُردُ خائبة الرجا

وقد انقطع بي كل سبيل إليك.. =(

الفراق..

الفراق,, عذاب أم راحة؟؟

ثمة فراق في حقيقته رحمة,,, وإن كان في ظاهره قسوة

وثمة فراق لا تنفك عنه القسوة

وثمة فراق يزيد الاشتياق وآخر يقتل كل مشاعر الحب والوفاء

وثمة فراق هو عذاب وآخر هو محض رحمة

قد يكون الفراق عن محض إرادة أو قمع مطلع

لكنه يبقى في النهاية فراق,, ولا ينفك عنه الألم والعذاب..

لا فرقكم الله عن أحبابكم وأدام عليكم وصالهم..

جبر الخاطر,,

عبادة منسية,, أو متناساة فيما بيننا,,, رغم يُسرها ورغم أنها أسرع وأسهل طريقة لرسم ابتسامة صادقة من القلب نابعة,,

يتهاون بها الكثيرون ويُقلل من شأنها آخرون,,

هي ليست مُكلفة ولا مُرهقة,, مجرد كلمة أو كلمات,, تنتج عن إحساس صادق 

إحساس بالامتنان,, بالحُب,, بالعُرفان,, 

هي تعني الكثير,, ويُقدرها من يتلقاها ويحرص عليها فيما بعد,,

فلنُعد إحيائها وتداولها فيما بيننها,,فلنقدمها اليوم,,حتى نجدها عند احتياجنا لها في الغد,,

محو أُمية سياسية,,

عن جد عن جد,, أنا مش فاهمة اي حاجة في أي حاجة :D

انتخابات ومجلس ونواب ومعرفش ايه

طب يا عالم أنا واحدة من الناس اللي لا ليها في سياسة ولا بتيخ,, 

بغض النظر عن اني شايفة اني لازم اه اروح وانتخب وان مينفعش نسكت ونسيب الدنيا ماشية جهجاهوني كدة

بس انتخب على أساس ايه؟؟؟ الخيارات اللي قدامي,, طب اللي هنتخبه ده هيمثلني في ايه

هيكون دوره ايه يعني

طب فرضا روحت علشان انتخب,, اعرف منين ده حد كويس ولا سلطة زي ما طول عمرها عايشين,,

حقيقي مبقتش عارفة ولافاهمة

واقفة في النص ولا عارفة المفروض اروح يمين ولا شمال

حاسة اننا محتاجين محو أُمية سياسية,,

نبتدي نعرف ونفهم مين بيعمل ايه ومين مسئول عن ايه

ربنا يعدي الدنيا على خير بقى,, والحال يتصلح ويزيد الوعي شوية,,

واللي ييجوا من بعدها واحنا قبلهم نكون فاهمين الدنيا ماشية ازاي

مش اهي ماشية وخلاص -_-

يلا دعواتكم بقى,, واوعوا متنتخبوش :D

Success.. =)

"Success is simple. DO what's right, the right way, at the right time." 

Arnold H. Glasgow quotes.

INDEED,, success is simple,, but we usually look for it in the wrong direction,, we're mostly impatient and want everything goes perfectly without even one mistake with the least effort done,,

ALL what we need is to have the necessary will to obtain it,, to struggle for it,, not to be hesitant nor to rush it,, to think wisely,, DO what's right no matter what it costs,, neglect all those frustrated depressed persons,, overcome every struggle,, even if we sometimes lose,, we learn from our loss,, we gain experience,, it's not all about a well prapered plan,, not it is about improvising all the time,,, it's just about life,, live it,, with all what you got,, overcome your defeat and only then you'll get some where,, =)

Life..!

what do we want from life?? or rather,, what don't we want :S 

we want success,, fame,, glory,, money,, we want all,, but usually,, we don't want to exert any effort or the necessary effort to get what we want,, we want all for FREE,, we get depressed & frustrated when we face obstcales,, well,, we gotta face it one day there is nothing for free....!

Go for what you desire with all what you've got,, or else,, blame no one but yourself..

مطر ♥

كنت زعلانة علشان ملحقتش انزل البوست الصبح,, فكنت خايفة اليوم يطير كالعادة واتلهي,, بس مبسوطة اني منزلتوش,, اصل الدنيا مطرت,, وأنا بحب المطر اوي :$ 

بجد المطر ده رحمة من ربنا سبحانه,, منظره ووقوعه على الايدين,,, الواحد بيفتح ايده مستني الرزق زي ما الطفل الصغير بيفتح ايده مستني مصروفه او عيديته,,

فرحتي بالمطر متساويهاش حاجة,, اه بخاف من البرق والرعد اوي,, لكن بحس في المطر برحمة جميلة,, الناس بتجري في الشارع عايزة اقولهم استنوا,, إنه حديث عهد بربه,, الدعاء في المطر غير,, سبحان الله اكن الواحد مستشعر ان باب السماء فعلا مفتوح,, وان الدعوات بتوصل على طول,, دعيت,, لياولكل الناس,, ربنا يرزقنا الجنة يا رب ويفرجها علينا كلنا =) 

ومن تاني وتالت ورابع وعاشر,, أنا بحب المطر اوي ♥

let things go as they are meant to!!

sometimes,, we try to do some thing in a certain way to avoid waisting time,, but we end out wasting more time :S

it's like I'm going to do so, so and so together in order to gain more time, to finish earlier or whatever,

or I'm so lazy so I'm going to take a short cut so as not to work much

we end out wasting both time and energy,, things aren't usually done properly,, and we lose our tempers at the end 

DO everything as it is supposed to,, let it take as much time as it needs,, believe me it's better than trying to create and eventualy you'll discover that you "3akeet" :D

don't be so much hesitant,, and at the same time don't rush things

let everything go as they are meant to and they will be way much better than you wanted to =)

hmmmmmmmm

The 1st blog :D  

I'm going to write about nothing but the experience itself,, 

to write DAILY and for a whole month. 

It's the first time for me to participate.

I am sure it's gonna be an interesting experience isA,, 

to try to develop our writing not only the methods but we gonna explore ourselves too,, 

discover a lot more about our hidden ideas and thoughts,, 

I guess we're never out of ideas,, 

the problem is always how to express them,, 

hope we all enjoy and get benefit from both what we write and read,, HAVE FUN =)


BTW,, I forgot to post the link,, here it is,, it's an event on FB,, hope we all enjoy and follow till the end ^_^
http://www.facebook.com/event.php?eid=210221882384010