عارف لما يكون كل حاجة ماشية كويس.. وكل الدلائل والإشارات بتأكد لك انك ماشي صح.. كمل
بس انت حاسس انك عكس الاتجاه.. انك تايه رغم انك مخرجتش عن الطريق
بالظبط زي بدلة متفصلة علشانك.. فستان قماشتة وتصيلته ﻻيقة عليكي اوي.. بس مش مريحينك
حاسس فيهم انك متنغص عليك لحظتك
اه مقدر اللي تعبو اوي فيهم.. مش عايز تكسر بخاطرهم بس مانتش عارف تستمتع باللي ف ايدك
تعمل ايه؟ تروح فين؟ توصل إزاي إحساسك.. إزاي تقول الدنيا زي الفل ماشية تمام.. بس مش دنيتي
الناس دي زي العسل و على عيني وراسي.. بس مش ناسي
إزاي تفارق من غير ما تجرح.. تبعد من غير ما تقطع
ازاي تنده ع حد وتقوله محتاجك.. محتاجك اوي
بس تتفادى أسئلتة ودهشته
إزاي لما يسألك مالك تقوله معرفش.. بس تعبان تعبان اوي
انا مش عارف مالي صدقني.. مش عايز اكون وحدي بس مش عارف اندمج مع حد
مجروح رغم ان الجرح مشي
بس اثره بيوجعني اوي
يمكن لإني تجاهته ومعالجتوش
بس مش عارف اعمل ايه وازاي اداويه دلوقتي بعد ما اندمل
يارب
ممممممم
ردحذفرووش
ردحذف