الأيام بتجري بسرعة اوي :D

السلام عليكم ورحمة الله وبركاته :)

فعلا فعلا
الأيام بتجري بسرعة اوي
مش بنلحق نستمتع باليوم اللي احنا فيه
ونبص نلاقي يوم جديد جه علينا


المهم
أن رمضان قرب ييجي
رمضان بأوقاته الحلوة بصلواته بصيامه
ياه
قد ايه حلو رمضان
قد ايه بيكون الجو فيه جميل
والناس فيه على الأقل البعض منهم بيكونوا خلو قين جدا فيه
الخير اللي جواهم بيطلع

ساعات قدرا بنبقى نازلين ساعة الإفطار هنفطر بره
ونلاقي الشباب في الشوارع بيوزعوا تمر ومياه على الناس علشان تكسر صيامها
الناس بتبقى بتتسابق على أبواب الخير

دخلت البوست اللي كان قبل رمضان اللي فات
ياه
أحاسيس كتير حلوة اوي
رجعت لي تاني
فكرت في رمضان قبل اللي فات
ودادو صاحبتي لما مكانتش معاية
وقد ايه كنت مفتقداها
بس الحمد لله رمضان اللي فات كانت معاية
وفطرنا سوا كام يوم
بجد بجد
احنا مجانين
كانت تتصل بيا قبل الفطار بتلت ساعة مثلا
تقولي يلا دقتين وتكوني جاهزة هنفطر بره :D
يا بنت الناس الله يهديكِ يرضيكِ
ودي أبدا
تعدي عليا هي واخواتها البنات
وطبعا المغرب يأذن علينا في الطريق
المطاعم كلها مفيش مكان
وناكل في الشارع او واحنا في العربية
وتاخد المطبات كلها
والبيبسي تدلق وايه مش ممكن
نفسي الايام تعدي بقى
ورمضان ييجي
ودادو تكون معاية
نفسي في حاجات كتير اوي اعملها فيه
بس محتاجة ترتيب من دلوقتي
تخطيط صح علشان يكون رمضان صح

اللهم بلغنا رمضان على خير ما تحب وترضى :)

close to death..

Peace be upon you :)

sometimes we need something to happen to remind us
that our life is too short and that it may end any day

two days ago, I was in the stationary
something with the electricity went wrong
it made a strong sound and light just beneath my feet
I though that may be it is a sound "saro7'
like these the children play with in Ramadan :D
it took me few seconds to realize that it wasn't like that
any ways
I was just about to be hit with this electric shock
and die !!
wow, yes we all know that we are going to die
and that death is so close
but we just don't realize that it's that close
I had that book I just got
I wanted to start reading it
I kept thinking
how many things we keep delaying
and saying not now or when I'm not busy or something like that
don't we know that we may never get that free time to do it
one more thing
I thought in the beloved persons to my heart
how it's been a while since the last time I talked to them
I guess I need to reorganize every thing again
to determine the priorities in my life

Esape away..

I wanna flee

to some where far away

where no one knows me

may be to the see

there I can stay

as much as I can say

no one can force me

to go away..

اللهم اكفني بحلالك عن حرامك واغنني بفضلك عمن سواك :)

السلام عليكم ورحمة الله وبركاته ^_^

دعاء جميل اوي
وخصوصا لما تدعي ربنا
انه يكفيك بكل شيء حلال
عن كل شيء حرام
يعني مش الرزق في المال بس
لا في كل حاجة
في المال, الوقت, الصحة...
كل حاجة
تستخدمها في طاعة الله عز وجل :)
اللهم أرنا الحق حقًا وارزقنا اتباعه
وارنا الباطل باطلًا وارزقنا اجتنابه
ولا تجعله ملتبسًا علينا فنضل ..

أحبك ♥♥

السلام عليكم ورحمة الله وبركاته :)

كيفكم وايش احوالكم :D
لعلكم بخير جميعا :)

قريت بيتين شعر للشافعي
بجد حلوين اوي

مرض الحبيب فعدته ** فمرضت من حذري عليه
وأتى الحبيب يعودني ** فبرأت من نظري إليه!!

بجد تحفة
يعني سبحان الله
ممكن فعلا
حد من كتر خوفه على حبيبه
سواء كان أم, أخ, صديق
المهم حد ليه معزة كبيرة فعلا في قلبه
يمرض لمرضه او يتعب ويتألم جدًا لألمه

وممكن على العكس تماما
انه مهما يكون تعبان او مضايق
ويشوف حبيبه
كل اللي فيه ده يروح
سواء مرض, هم, حزن... إلى آخره

سبحان ربي العظيم
الإحساس ده دايما بحسه مع أمي
لما بتتعب
بكون بجد في حالة صعبة جدا
إني مش قادرة اخفف عنها ولا قادرة اشيل عنها
وفعلا بتمنى اني اكون انا في مكانها وهي سليمة معافاه

وفي نفس الوقت لما بكون انا تعبانة
سبحان ربي العظيم صحبتها بتكفيني
كل ألمي أو تعبي ده بيروح ومجرد احساس بالراحة وانا معاها

ربنا يبارك لي في عمرها ويرزقني دوما برها :)

تؤتر مش وقته خالص!!

السلام عليكم ورحمة الله وبركاته :)

مش عارفة ليه بقيت دايما بكتب خواطري بالليل كدة ^_^
بس يلا يمكن علشان مش بيبقى فيه حد معاية
والدنيا هس بقى وصمت بحبه :)

المشكلة اني اتوترت من شوية
واصلا عندي امتحان شفوي بكرة
ومش مذاكرة
يعني مش ناقصة خالص
المفروض اني ابقى هادية
علشان اعرف اذاكر لي لو ساعتين

بس المهم اني مش قلقانة
لإنه امتحان conversation
يعني كل المطلوب اني اتكلم
وده بإذن الله شيء سهل
وخصوصا لإني بعرف اتكلم انجليزي واعبر بيه احسن من العربي :(

المهم
من شوية
اكتر من موضوع
بيتكلموا عن المنتقبات والامتحانات وبتاع
بصراحة شيء يغيظ
ساعات حاجات كتير زي دي
بتشتت الناس
وبتعمل ما بينهم فرقة اكتر ما هي موجودة اصلا <_<
بس المهم
ان فعلا الناس سابت القضية
وبقى كل واحد يلوم التاني وبس
وابتدت خلافات جانبية
ومناقشات تحتد والدنيا مش ناقصة خالص يعني

مش عارفة بجد
هل المفروض ايه
او المنتظر فعلا من المنتقبات ايه؟؟
يعني هل المفروض ان خلاص اوكى ده قرار وزاري اشطز يعني مليش يد فيه فكل منتقبة تخلع نقابها
طيب واللي مش يقدروا
اشطز اكتر بلا مذاكرة بلا وجع دماغ خلينا نقعد في البيت نستنى العدل !!

مبقتش عارفة
طيب ليه محاربة النقاب؟؟

يعني من زمان واحنا في المودرسة
بنسمع عن طرق الغش بالحجاب
سماعة في الودن ومايك في الكم وبس على كدة
طيب ما هو حجاب عادي اهو وبيغشوا

وسوري معلش
ما هو فيه بنات مش محجبات وليهم الف طريقة وطريقة في الغش
يعني مش حجة

وبيبقى فيه موظفات تتعرف على كل طالبة في وسط الامتحان
يعني بعد ما الورق بيتوزع
اللي هو خلاص مش هينفع نبدل مكان ولا بتاع
فمفيش دواعي أمنية !!

المهم
بعيدا عن الخلافات والنقاشات والمبررات
يعني المفروض ايه دلوقتي؟

بعد ما واحدة لبست نقاب كام سنة
ولا حتى كام شهر أو يوم
خلاص اخلعه
بعد ما كان ليها سمت معين وسط زمايلها
خلاص تتخلى عنه
علشان مجرد قرار

طيب ما هو فيه اصلا
منتقبات عندهم في البيت ممانعين
او مش مقتنعين باللي هي بتعمله
وبتحارب اهلها وجيرانها وووو
علشان بس تحافظ على نقابها
طيب نيجي نقولها لا ده في حاجة كمان هتحاربيها


اه ياني تعبت خلاص
دماغي هتفرقع
انا يمكن متفرقش معاية شهادة اوي
وواحدة صاحبتي كمان نفس الحكاية
وغيرها كتير

بس فيه نقظة
احنا من الأوائل على دفعتنا
يعني احنا من اكتر الناس الملتزمة في الكلية وده معروف من سنة اولى
وغيرنا من المنتقبات في كليات تانية كتير كدة
مش معنى ان واحدة لبست النقاب
انها متخلفة ورجعية ومتعرفش تعمل حاجة غير انها تصلي وتصوم
لأ
إحنا بنشارك في المجتمع بطريقة فعالة يمكن اكتر من ناس عاديين جدا

طيب ايش؟؟
مبقتش عارفة بقى
دماغي فيها مليون الف حاجة
ومش عايزة اطبق ومش انام علشان ماما مش تزعل
بس شكلها هتتفاجئ الصبح اقوم قايلة لا عندي امتحان لما نرجع نتكلم كالعادة :lol:
ادعولي بقى :)
وربنا يسترنا بستره الجميل ويضع تحت الستر ما يحب ويرضى ولا يتوفنا إلى وهو راض عنا :)

تفاؤل :)

السلام عليكم ورحمة الله وبركاته :)

عارفة إني بقالي فترة كدة رذلة مش بنزل بوستات حلوة
بس المود المنتشر اليومين دول حزين شوية وكئيب شويتين :D

المهم قررت إني أنزل بوست جديدة حلوة كدة
هي خاطرة كنت كتبتها من فترة
وأتمنى انها تتحقق في يوم من الأيام :)


أحلم بعش حميل بأطفال صغار
أرى بيت هاديء بأثاث بسيط
لا أريد قصرًا تملؤه الزخارف والمظاهر
بل أريد مأوًا يملؤه الحب والمشاعر
أريد زادًا يمدني بالطافة لا بالبدانة
أريد لباسًا عن العيون يخفيني لايُحليني
خارج المنزل أنا درة مصونة
داخله أنا لؤلؤة مكنونة
أميرة رقيقة
خارجه امرأة صارمة قد يقول عنها البعض مجنونة
داخله أنا أم حنونة
في الطرقات أغض بصري ويظن الناس لضغف نظري
وبين جدران بيتي أنظر إلى كل ما أباحه لي ربي
لا أدري إن كنت حالمة أو واهمة
ولكن ذلك حلمي ولست له بتاركة